Манчестерга трансферим амалга ошмаганини тушунмай қолдим
- 26-август, 08:01
- Zohir Toshxo’jayev
- 0
- Футбол
Италиянинг “Аталанта” клуби ярим ҳимоячиси Эдерсон “Манчестер Юнайтед”га ўтиши нима сабабдан амалга ошмай қолганини тушунмаслигини айтди.
Ёз бошидаёқ “Манчестер Юнайтед” Эдерсонни 35 миллион фунт эвазига сотиб олиш бўйича келишувга эришган эди. Бироқ трансферни расмийлаштириш Бразилия терма жамоаси футболчиси жаҳон чемпионатидан қайтгунига қадар кечиктирилди.
Манчестерга етиб келиб, тиббий кўрикдан ўтган Эдерсон кейин “Юнайтед” трансферни расмийлаштиришдан бош тортганини билди.
Аввалроқ “Манчестер Юнайтед”ни Эдерсоннинг тиззаси ҳолати хавотирга солгани ҳақида миш-мишлар тарқалган эди. Аммо кўп ўтмай, “Аталанта” билан янги шартнома имзолаган 27 ёшли ярим ҳимоячи ўзини мутлақо соғлом, деб ҳисоблайди.
- Ростини айтсам, нима бўлганини билмайман. Менга доимо бошқа клублар ҳам қизиқиш билдириб келган ва мен Англиянинг бошқа бир клубига ҳам ўтишим мумкин эди.
Текширувлар яхши ўтди, кейин нима ўзгарганини билмайман. Мен тўрт йилдан бери “Аталанта”даман ва доимо ўйнаб келдим.
Мен шунчаки кутиб, кейин нима бўлишини кўришим ҳам мумкин эди. Аммо клуб билан ўртамиздаги ажойиб муносабатлар мени қолишга ва янги шартнома имзолашга ишонтирди, - дея Эдерсоннинг сўзларини The Sun келтирмоқда.