"Манчестер Юнайтед" ярим ҳимоячиси Суперлигада ўйнаши мумкин

"Манчестер Юнайтед" таянч ярим ҳимоячиси Мануэль Угарте жамоадан кетиши мумкин.

Хабарларга кўра, футбол манкунянликлар сафидаги ҳолатидан норози ва қишда жамоасини алмаштиришни истамоқда. Маълум бўлишича, уругвайлик футболчи хизматларига Туркия Суперлигаси етакчиси "Галатасарой" жамоаси қизиқиш билдирмоқда. Угарте "Спортинг"да Рубен Аморим қўл остида ўйнаганига қарамай, МЮда унинг ўйини қовушмаяпти. Футболчининг "Манчестер Юнайтед" билан амалдаги шартномаси 2029 йилнинг ёзида якунига етади. "Transfermarkt" портали футболчини 35 миллион еврога баҳолаган.

Маълумот учун, 24 ёшли футболчи жорий мавсум АПЛда 10 та учрашувда майдонга тушган.