“Манчестер Юнайтед” собиқ бош мураббийни клубга қайтармоқчи

“Манчестер Юнайтед” раҳбарияти жамоани бошқарган германиялик мутахассис Ральф Рангникни яна клубга қайтармоқчи.

SimplyUtd нашрининг маълум қилишича, бу гал манчестерликлар Рангникни спорт директори лавозимини эгаллаш учун чақиряпти.

Клубда бу вазифани беш ой давомида бажариб келган Дэн Эшуорт ўзаро келишувга кўра, истеъфога чиқди.

Ральф Рангник 2021-2022 йиллар давомида “Манчестер Юнайтед” бош мураббийи бўлиб ишлаган ва унинг қўл остида жамоа Англия Премьер-лигасида олтинчи ўринни эгаллаган.

Шундан кейин тажрибали мутахассис Австрия терма жамоаси бош мураббий этиб тайинлади ва ҳозирга қадар шу ишини давом эттиряпти.

Манбага кўра, Ральф Рангникни ўзи ҳам Англияга қайтиб, “Манчестер Юнайтед” тизимида ишлашга мойиллик билдирмоқда.