"Манчестер Юнайтед" "Реал Мадрид" футболчисини эркин агент сифатида қўлга киритмоқчи

Журналист Экрем Конур хабарига кўра, "Манчестер Юнайтед" яна бир бор "Реал Мадрид"дан номдор футболчини ўз сафига жалб қилишга яқин турибди. Гап ҳимоячи Давид Алаба ҳақида кетмоқда.

Маълум қилинишича, 33 ёшли футболчи жорий мавсум якунланганидан сўнг "қаймоқранглар" сафини эркин агент сифатида тарк этади. Аввалроқ Рафаэль Варан ва Каземиро ҳам "Реал"дан Манчестерга кўчиб ўтган эди.

Жорий мавсумда Алаба 13 та учрашувда майдонга тушди. Австриялик футболчи кўп ҳолларда жароҳатлар сабаб ўйинларни ўтказиб юборган.

У 2021 йилда "Бавария"дан "Реал"га ўтганидан буён мадридликлар сафида жами 129 та ўйинда иштирок этган.