"Манчестер Юнайтед" қийин танловни амалга ошириши керек

"Манчестер Юнайтед" трансфер ойнаси ёпилгунга қадар икки дарвозабон ўртасида танлов қилиши керак.

Инсайдер Фабрицио Романо тарқатган хабарга кўра "Манчестер Юнайтед" "Антверпен"дан Сенне Ламменс ва "Астон Вилла"дан Эмилиано Мартинес трансфери устида иш олиб бормоқда. Шу билан бирга, "қизил иблислар" сафига улардан фақат биттаси ўтиши таъкидланмоқда.

Манбага кўра, Мартинеснинг трансфери "Манчестер Юнайтед"нинг Жедон Санчони трансферга қўшишга тайёр ёки тайёр эмаслигига боғлиқ бўлади.

Айтиш керакки, бугун кечқурун Англияда трансфер ойнаси ёпилади, шу боис Рубен Аморим жамоасида бир неча соат вақт қолди.