“Манчестер Юнайтед” ўз юлдузига кутилмаган нарх белгилади

“Манчестер Юнайтед” таркибида жиддий ўзгаришлар амалга оширилиши ҳақидаги хабарлар тарқатилмоқда.

Янги бош мураббий Рубен Аморим клуб раҳбариятига ўзига керакли ўйинчилар рўйхатини тақдим қилди ва қолганлари тез орада сотиб юборилади.

Португалиялик мутахассис ишонч билдирмоқчи бўлган футболчилар орасида “Юнайтед” тарбияланувчиси Маркус Рэшфорд йўқ. 27 ёшли ҳужумчи сотиб юборилиши кутиляпти.

Маркус сўнгги мавсумларда кутилган ўйинни намойиш қила олмаяпти. Клуб 2023 йили ўз юлдузини 100 миллион фунтга баҳолаган эди. Энди Рэшфордни олмоқчи бўлган харидор бу масалани 40 миллион фунт эвазига ҳал қилиши мумкин.

Рэшфорд ҳозир ҳафтасига 325 минг фунт маош оляпти. Агар жамоадан кетадиган бўлса, клубга молиявий фэйр-плей босими анча енгиллашади.