"Манчестер Юнайтед" Каземирога ўринбосар топди

"Манчестер Юнайтед" Каземирога ўринбосар излашда давом этмоқда. Бразилиялик футболчи бу ёзда клубни эркин агент сифатида тарк этади.

"GiveMeSport" нашрининг хабар беришича, "қизил иблислар" "Ноттингем Форест" ярим ҳимоячиси Ибраим Сангарега қизиқиш билдирмоқда. Раҳбарият фикрича, у кетаётган 34 ёшли футболчининг ўрнини боса олади. Манбанинг хабар беришича, манкунианликлар ярим ҳимоясини камида иккита тажрибали футболчи билан кучайтирмоқчи.

Маълумот учун, "Transfermarkt" Сангаренинг қийматини 22 миллион еврога баҳоламоқда. 28 ёшли ярим ҳимоячининг "ўрмончилар" билан шартномаси 2028 йилгача амал қилади.