“Манчестер Юнайтед” жамоадан кета олмаган Бруну Фернандешни “боғлаб” олмоқчи

Англиянинг “Манчестер Юнайтед” клуби португалиялик ярим ҳимоячи Бруну Фернандеш билан шартномани узайтиришни режалаштирмоқда. Бу ҳақда журналист Николо Скира ижтимоий тармоқдаги Х саҳифасида хабар берди.

- “Манчестер Юнайтед” Бруну Фернандеш билан шартномани узоқ муддатга узайтиришни режалаштирмоқда. Унга шартномани 2029 йилгача узайтириш таклиф қилинди, - деб ёзди Скира.

Англия Премьер-лигасининг жорий мавсумида 31 ёшли Бруну Фернандеш иккита учрашувда майдонга тушиб, учта гол урди ва бирта голли узатмани амалга оширди. Унинг клуб билан амалдаги шартномаси 2027 йил 30 июнигача мўлжалланган. Transfermarkt Португалия терма жамоаси футболчисининг бозор қийматини 35 миллион евро деб баҳоламоқда.

Бир неча мавсумдан бери бу футболчига Европа ва Саудия Арабистони клубларидан жиддий ва даромадли таклифлар келади. Бу гал ҳам шундай бўлди. Бироқ Фернандеш Манчестерда қолди.