"Манчестер Юнайтед" Эдерсон трансфери устида иш олиб бормоқда

"Манчестер Юнайтед" Эдерсон трансфери бўйича ишларни давом эттирмоқда.

"UtdReport" маълумотига кўра, "қизил иблислар" бир неча ҳафтадан бери футболчининг вакиллари билан воситачилар орқали музокара олиб бормоқда. Англия грандининг спорт директори Жейсон Уилкокс ярим ҳимоячининг имкониятларини жуда юқори баҳоламоқда.

Шунингдек, футболчининг агенти ҳам трансфер амалга ошиши учун фаол иш олиб бораётгани таъкидланмоқда. Ҳозирча клублар ўртасида келишувга эришиш узоқ бўлиб турибди, аммо "Юнайтед"нинг қизиқиши жиддий экани айтилмоқда.

"Аталанта" билан тузилган шартнома келаси йилнинг ёзига қадар амал қилади. Transfermarkt портали мутахассислари 26 ёшли футболчининг бозор қийматини 40 миллион евро деб баҳоламоқда.