"Манчестер Юнайтед" бразилиялик ярим ҳимоячи трансферини ҳал қилди

"Манчестер Юнайтед" "Аталанта" ярим ҳимоячиси Эдерсон Лоуренсони ўз сафига қўшиб олиш арафасида турибди.

"The Athletic" маълумотига кўра, манчестерликлар ва бергамоликлар трансфер бўйича тўлиқ келишувга эришган. Итальян клуби футболчи учун 40,5 миллион евро олади. Яна 4,5 миллион евро турли бонуслар кўринишида тўланиши кўзда тутилган.

Манкунианликлар бразилиялик футболчининг шахсий шартлари бўйича ҳам келишиб олган. Томонлар ўртасидаги шартнома 4 йилга мўлжалланган бўлиб, уни яна бир йилга узайтириш имконияти ҳам мавжуд бўлади.

Яқин кунларда Эдерсон тиббий кўрикдан ўтади. Барча томонлар битимни июнь ойининг дастлабки кунларидаёқ расман якунлашни режалаштирмоқда.