"Манчестер Юнайтед" А Серия тўпурарини нишонга олди!
- 30-июн 2025, 14:50
- Oybek Yo’ldoshev
- 0
- Футбол
Англиянинг “Манчестер Юнайтед” клуби ҳужум чизиғини кучайтириш мақсадида Италиянинг “Фиорентина” жамоаси ўйинчиси Мойзе Кинни ёзги трансфер ойнасида қўлга киритишга уруниб кўрмоқчи.
Италиялик футболчи учун “қизил иблислар” ҳали аниқ таклиф жўнатгани йўқ. Аммо МЮ 25 ёшли ҳужумчини мавсум давомидан буён диққат билан кузатмоқда. Агар жамоа ўйинчини қўлга киритса, унга катта маош таклиф қилишга ҳам тайёр.
"Бинафшаранглилар" форварди учун араб жамоаларидан ҳам қизиқишлар бор. Айни дамда, Кинга ягона таклиф берган клуб Обамеянг ва Начо Фернандес тўп тепадиган “Аль-Кадисия” жамоасидир. Саудия клуби футболчига йилига 15 миллион евро маош таклиф қилган. Мойзенинг ўзи эса 20 миллион евро талаб қилмоқда.
Ҳужумчи учун яна янги таклифлар келиши мумкин. Кин ўзига таклиф этилган барча шартномаларни 1 июлдан 15 июлгача кўриб чиқишини айтиб ўтди.
Маълумот учун, Мойзе бу мавсум жами 44 та ўйинда майдонга тушиб, 25 та гол киритди ва 3 та голли узатмани амалга оширди.