"Манчестер Сити"да февраль ойининг энг яхши футболчиси бўлиш учун номзодлар маълум

"Манчестер Сити" якунланган февраль ойининг энг яхши футболчиси совринига номзодларни эълон қилди. Унга Марк Гехи, Жанлуижи Доннарумма ва Нико ЎРайли даъвогарлик қилмоқда.

Ўтган ойда Пеп Гвардиола жамоаси учта мусобақада етти учрашув ўтказиб, олти ғалаба ва бир дуранг қайд этди. Номзодлар ушбу натижаларда муҳим роль ўйнади.

Геҳи ҳимояда ишончли ўйини билан ажралиб туриб, Англия Кубогида илк голини урди. Доннарумма эса ҳал қилувчи сейвлари билан жамоасига бир неча муҳим ғалабаларни сақлаб қолди. ЎРайли "Ньюкасл"га қарши ўйинда дубль муаллифига айланиб, ой давомида самарали ҳаракат қилди.

Ғолиб мухлислар овози орқали аниқланади ва ҳафта якунида эълон қилинади.