"Манчестер Сити" ва "Арсенал" Тонали учун курашга қўшилди

"Манчестер Сити" ярим ҳимоя чизиғини кучайтириш устида иш олиб бормоқда.

Фабрицио Романо маълумотига кўра, манчестерликлар "Ноттингем Форест" футболчиси Эллиот Андерсон трансфери бўйича музокараларни давом эттирмоқда. Бироқ клубнинг дастлабки таклифи рад этилган.

Манбага кўра, агар Андерсон трансфери амалга ошмаса, "шаҳарликлар" учун асосий вариантлардан бири "Ньюкасл" ярим ҳимоячиси Сандро Тонали бўлади. Итальян футболчисига Лондоннинг "Арсенал" клуби ҳам қизиқиш билдирмоқда.

Маълумот учун, 26 ёшли Тонали ўтган мавсум барча турнирларда 53 та ўйинда иштирок этиб, 3 та гол ва 7 та ассист қайд этди.