“Манчестер Сити” “Милан”нинг иқтидорли футболчиси билан шартнома имзолашга яқин

"Милан" дарвозабони Алессандро Лонгони фаолиятини "Манчестер Сити"да давом эттиради. 18 ёшли футболчи инглиз гранди билан шартнома тузишга бир қадам қолди, деб хабар бермоқда инсайдер Николо Скира. Иқтидорли дарвозабон, агар кутилмаган ҳодисалар юз бермаса, эркин агент сифатида "шаҳарликлар" сафига қўшилади.

Алессандро Лонгони "россонери" билан 30 июнда тугайдиган меҳнат шартномасини узайтирмасликка қарор қилди. "Милан"да дарвозабон ёшлар жамоасида ва дублда ўйнади, аммо асосий таркибда дебют қилишга улгурмади.

"Манчестер Сити" Премьер-лиганинг ўтган ўйинида иккинчи ўринни эгаллади. "Милан" А Серияда бешинчи бўлди.