"Манчестер Сити" ҳужумчиси машғулотларга қатган бўлса-да, янги клуб изламоқда

"Манчестер Сити" Футболчиси Жек Грилиш жамоа билан машғулотларни қайта бошлади. Бу ҳақда ESPN нашри хабар берди.

29 ёшли англиялик футболчи асосий таркиб билан ишлашни бошлаганига қарамай, фаолиятини давом эттириш учун янги жамоа излашда давом этмоқда.

Эслатиб ўтамиз, Грилиш "шаҳарликлар"нинг Клублар ўртасидаги Жаҳон чемпионати учун берган рўйхатига киритилмаганди. Бу эса унинг жамоани тарк этиши мумкинлиги ҳақидаги миш-мишларни янада кучайтирди.

Футболчига даъвогар клублар сифатида "Вест Хэм", "Тоттенхэм" ва "Наполи" тилга олинмоқда.