“Манчестер Сити” Гвардиолага ўринбосар топди
- 4-феврал, 17:22
- Ali Ahmadxo’jayev
- 0
- Футбол
"Манчестер Сити" Хосеп Гвардиоладан кейинги даврга тайёргарликни бошлади. Football Insider нашрининг хабар беришича, ҳозирда клуб бош мураббийлигига Венсан Компани асосий номзод сифатида кўрилмоқда.
"Манчестер Сити"нинг амалдаги устози билан 2027 йилнинг июнигача мўлжалланган шартнома бор ва клубдагилар 55 ёшли испаниялик келишувни охиригача ишлаб чиқиши кутилмоқда. Шунга қарамай, раҳбарият янги мураббий масаласини очиқ қолдиришни истамай, ҳозирданоқ келажак учун эҳтимолий вариантларни таҳлил қилмоқда.
Манбага кўра, айнан Компани Гвардиоланинг ўрнига идеал номзод ҳисобланади. Белгиялик собиқ футболчи клуб маданияти билан яхши таниш - у футболчилик фаолияти давомида "Манчестер Сити" сафида 350 дан ортиқ ўйин ўтказган ва кўплаб совринларни қўлга киритиш даврида асосий футболчилардан бири бўлган.
Компани ҳозирда "Бавария" бош мураббийи сифатида ишламоқда ва унинг Мюнхен клуби билан шартномаси эҳтимолий трансферни анча мураккаблаштириши мумкин. Германиядаги биринчи мавсумида у Бундеслига чемпионлигини қўлга киритди - бу Мюнхенда мажбурий минимум ҳисобланади.
Аввалроқ, "Манчестер Сити" мураббийлигига номзодлар қаторида Гвардиоланинг ёрдамчиси бўлиб ишлаган Энцо Мареска, шунингдек, "Реал"дан кетганидан кейин АПЛнинг етакчи клублари қизиқиш билдираётган Хаби Алонсо ҳам тилга олинган эди.