"Манчестер Сити"га Италиядан зўр ҳимоячи келади

"Аталанта"га тегишли бўлган италиялик ёш ҳимоячи Марко Палестра Англия премьер-лигасига йўл олиши мумкин. TMW нашрининг ёзишича, футболчига энг катта қизиқишни "Манчестер Сити" билдирмоқда.

Аввалроқ 21 ёшли футболчини қўлга киритиш бўйича асосий даъвогар сифатида "Интер" тилга олинаётган эди. Бироқ миланликлар "Аталанта" билан келиша олмади. "Интер" ўйинчи учун таклиф этган 40 миллион евро миқдоридаги сумма қабул қилинмади, чунки бергамоликлар футболчини тахминан 50 миллион евро атрофида сотишни режалаштирган.

Шу шароитда Марко Палестра учун курашда пешқадам сифатида "Манчестер Сити" олдинга чиқди. Манчестер клуби иқтидорли ҳимоячини трансфер қилиш бўйича музокараларни фаоллаштиришга тайёр экани хабар қилинмоқда.

Ўтган мавсумда италиялик футболчи "Кальяри" таркибида ижара асосида ўйнади ва у ерда мунтазам ўйин амалиётига эга бўлди.