“Манчестер Сити” эгалари ўзига янги клубни сотиб олади

«Манчестер Сити» эгалари Колумбиянинг «Мильонариос» клубини сотиб олиш имкониятини кўриб чиқмоқда.

Колумбиянинг El Futbolero нашри маълумотига кўра, «Мильонариос»нинг ҳозирги эгаларига City Football Group компаниясидан 90 миллион евро (77,5 миллион фунт) миқдорида таклиф келиб тушган.

«Манчестер Сити» эгалари «Мильонариос» инфратузилмаси, академияси ва маҳаллий бозордаги иқтидорли футболчиларни жалб қилишга жиддий маблағ сарфлашга тайёр.

«Мильонариос» Богота шаҳрида жойлашган бўлиб, «Атлетико Насьональ»дан кейин Колумбиянинг энг совриндор клубларидан бири ҳисобланади.

Айни пайтда City Football Group таркибида «Манчестер Сити»ни ҳам ҳисоблаганда, дунё бўйлаб 12 та клуб бор.