"Манчестер Сити" Андерсон трансферидан воз кечиши мумкин
- 12-июн, 11:45
- Bilolbek Imomov
- 0
- Футбол
"Ноттингем Форест" ярим ҳимоячиси Эллиот Андерсоннинг "Манчестер Сити"га ўтиши сўроқ остида қолмоқда.
Журналист Жереми Кросснинг маълум қилишича, манчестерликлар 23 ёшли футболчи учун 100 миллион фунт стерлинг кафолатланган тўлов ва яна 20 миллион фунт бонус таклиф қилган. Бироқ "Ноттингем Форест" бу таклифни рад этган.
Манбага кўра, "шаҳарликлар" энди ушбу трансфердан бутунлай воз кечиш вариантини кўриб чиқмоқда. "Форест" раҳбарияти эса нархни тушириш ёки музокараларда ён бериш ниятида эмас.
Аввалроқ Эллиот Андерсон учун курашдан "Манчестер Юнайтед" ҳам чиққан эди. Манчестерликлар футболчи учун сўралган маблағни ҳаддан ташқари юқори деб ҳисоблаган.
Transfermarkt портали маълумотларига кўра, Андерсоннинг бозор қиймати 75 миллион еврони ташкил этади.