Максим Шацких ОЧЛ 2 қуръаси ҳақида: "Бу ерда кучсиз жамоалар бўлмайди"

ОЧЛ 2 да “Ал-Аҳли (Қатар), “Аркадаг” (Туркманистон) ва “Ал-Халдия” (Баҳрайн) жамоалари билан “В” гуруҳидан жой олган “Андижон” жамоаси бир ойдан сўнг халқаро майдондаги иштирокини бошлайди.

Гуруҳ хусусида билдирилаётган фикрлар доимо қизиқ. Клуб матбуот котиби бош мураббий Максим Шацкихнинг қуръа ҳақидаги фикрлари билан қизиқди.

"Қуръани ҳеч қачон кўрмайман. Чунки барибир ҳамма билан ўйнаш керак. Бу ерда кучсиз жамоалар бўлмайди. Бизнинг гуруҳда “Ал-Аҳли” топ жамоа ҳисобланади. Шунингдек, Баҳрайн ҳамда Туркманистон чемпионлари ҳам бор. Яхши жамоалар. Бу кучли гуруҳ. Мана, энди биз ўз кучимизни синаб кўрамиз".