Максим Шацких: "Ҳимояда ишлашимиз керак бўлган жиҳатлар етарли"

Суперлиганинг 9-туридан ўрин олган "Пахтакор" - "Қизилқум" баҳси якунланди. Беллашувда 1:1 ҳисоби қайд этилди.

Дастлаб, биринчи бўлим сўнгида Элгужа Лобжанидзе ҳисобни очган бўлса, 51-дақиқада Достонбек Ҳамдамов орадаги фарқни йўқ қилди. 56-дақиқада эса Сардор Собирхўжаев қизил карточка олиб майдонни эрта тарк этди. Учрашувидан сўнг мезбонлар бош мураббийи Максим Шацких ўз фикрларини билдириб ўтди.

"Биз рақибга қараганда кўпроқ вазият яратдик. Бугун айрим футболчиларимизнинг ўз ўринларида ўйнашмагани сабабли бироз қийналдик. Аслида биринчи бўлимнинг ўзидаёқ иккита тўп киритишимиз керак эди. "Динамо" билан баҳсда ҳам шундай бўлган эди. "Қизилқум" бутун тайм давомида бир бор аниқ зарба йўллади ва шу ҳам гол бўлди.

Ҳимояда ишлашимиз керак бўлган жиҳатлар етарли. Аммо, мени "Пахтакор" кучсиз вақтида ҳам ундан ҳамма чўчиётгани хурсанд қилмоқда", - деди Шацких.