Магуайр: «Ғалаба қозониш учун жасорат ва хотиржамлик зарур»

«Манчестер Юнайтед» ҳимоячиси Гарри Магуайр Англия Премьер-лигасининг 7-турида «Лидс»га қарши кечган дуранг (1:1) ҳақида фикр билдирди.

«Бу ҳафта тактик схемани ўзгартириш устида ишладик. Тўпсиз ҳаракатланганимизда рақиб билан бир хил схемада ўйнашни ва фаол прессинг қилишни истадик. Марказда устунликка эришишимиз мумкинлигини билардик, чунки уларнинг бу ҳудудда атиги икки нафар футболчиси бор эди», — дея Магуайрнинг сўзларини Sky Sports келтирди.

«Эҳтимол, айнан ўйиннинг шу қисмида кўпроқ ишлашимиз керак эди. Тўп билан янада жасоратлироқ ҳаракат қилишимиз ва рақиб прессингидан ишончлироқ чиқиб кетишимиз мумкин эди. Ҳозир бизга жасорат етишмаётган вазиятга тушиб қолдик. Уни қайтаришимиз керак. Ғалаба қозониш учун бизга жасорат ва хотиржамлик зарур», — деди ҳимоячи.

Маълумот учун, «Манчестер Юнайтед» 7 очко билан турнир жадвалининг 13-поғонасидан жой олган.