Мағлубият кўрмаган чемпионга ўзбек боксчиси билан жанг қилиш шартлиги айтилди

Ижтимоий тармоқдаги Great Chef Boxing аккаунти америкалик боксчи Жесси «Бэм» Родригес (24-0, 17 КО) учун Ўзбекистонлик собиқ жаҳон чемпиони Муроджон Аҳмадалиев (15-2, 12 КО) анча муносиб рақиб эканини таъкидлади. 

Нашр ёзишича, Наое Иноуэга қарши катта жангга тайёргарлик доирасида Родригес учун айнан Ахмадалиев билан рингга кўтарилиш энг тўғри қарор бўларди.

«Бэм Родригес Наойя Иноуэ билан жанг олдидан тайёргарлик сифатида Муроджон Ахмадалиев билан тўқнаш келиши керак эди. Бэм ҳам, Муроджон  ҳам бир промоутер — Эдди Хирн билан ҳамкорлик қилади. Аҳмадалиев охирги марта май ойида жанг қилган, яъни у вақтда у банд эмасди, жангга тайёр эди. Бу баҳсни ташкил этиш жуда осон бўларди ва катта қизиқиш уйғотарди, чунки Аҳмадалиев Иноуэ ва Родригес учун умумий рақибга айланарди. 

Агар Бэм чиндан ҳам Иноуэга қарши жангни истаган бўлса, Кристиан Медина билан жангни танлаш мантиқан тўғри эмас эди», — дея қайд этилади постда.

Эслатиб ўтамиз, 2025 йил сентябрида Муроджон Ахмадалиев иккинчи енгил вазн тоифасида мутлақ жаҳон чемпиони унвони учун бўлиб ўтган жангда Наойя Иноуэгa очколар бўйича мағлуб бўлган эди. 

2026 йил 29 май куни Тошкентда ўтказилган охирги жангда эса ўзбекистонлик боксчи венесуэлалик Эгли Москедани тўртинчи раундда техник нокаут билан мағлуб этди.