Луис Энрике “Барса” футболчисини “Реал” юлдузи билан ўйнатмоқчи
- 12-феврал, 08:00
- Zohir Toshxo’jayev
- 0
- Футбол
Яқинда якунланган қишки трансферлар ойнасида Франциянинг амалдаги чемпиони “Пари Сен-Жермен” бош мураббийи Луис Энрике жамоасига “Барселона”дан Дро Фернандесни олиб келган эди.
Бу трансфер Каталонияда катта норозилик уйғотди, чунки у ерда 18 ёшли ҳужумкор ярим ҳимоячини жамоанинг келажаги сифатида кўришаётган эди.
Энди эса, Луис Энрике ўз эътиборини каталонияликларнинг ашаддий рақиби – “Реал Мадрид” клубидаги юлдузга қаратди.
Defensa Central нашрининг ёзишича, парижликлар бош мураббийи “Реал”даги бразилиялик ҳужумкор футболчи Родригонинг ашаддий мухлиси ҳисобланади. Бу легионернинг “Сантьяго Бернабеу”даги келажаги бироз ноаниқ бўлиб турибди ва “Лучо”нинг (Луис Энрикенинг лақаби) фикрича, Родриго ПСЖга энг кўп фойда келтириши мумкин бўлган ўйинчилардан биридир.
Энрике клуб президенти Носир Ал-Хелайфи билан бразилиялик футболчининг трансфери масаласини муҳокама қилгани айтилмоқда. Бироқ, “Қироллик клуби” ўзининг универсал ҳужумчисини ПСЖга сотишини тасаввур қилиш ҳозирча қийин кўринмоқда.