Луис Диас Ўзбекистон билан ўйин ҳақида нималар деди?

Колумбия терма жамоаси етакчиси Луис Диас футбол бўйича 2026 йилги жаҳон чемпионатида Ўзбекистон терма жамоасига қарши ўтказилган ва 3:1 ҳисобида якунланган ўйин ҳақида фикр билдирди. 

- Бугун мен болалик орзумни амалга оширяпман — жаҳон чемпионатида ўз терма жамоам ва ўз юртим шарафи учун ўйнаяпман.

Бундан ҳам гўзалроқ нарса борми — гол уриш ва голли пас бериш? 

Жамоамиз жуда бирдам, ҳар бир ўйиндан кейин янада кучлироқ бўлиб борамиз. Мен жуда-жуда бахтлиман, — деди Диас ФИФА матбуот хизматига берган интервьюсида.

Эслатиб ўтамиз, ўтган ўйинда Луис Диас "гол+пас" кўрсаткичига эришиб, Колумбия рекордини ўрнатди ва учрашувнинг энг яхши ўйинчиси соврини билан ҳам тақдирланди. 

Фабио Каннаваро шогирдлари сафида ягона гол муаллифи Аббосбек Файзуллаев бўлди.

"Бавария" футболчиси ҳисобланган Луис Диас 29 ёшда. У профессионал фаолияти давомида Колумбия терма жамоаси сафида 75 та ўйин ўтказган. Ўзбекистонга қарши кечган баҳс эса унинг жаҳон чемпионатларидаги дебют учрашуви бўлди. Миллий жамоа таркибидаги фаолияти давомида Диас 23 та гол урган ва саккиз марта голли узатма амалга оширган.