“Ливерпуль”нинг янги бош мураббийи биринчи баёнотини берди

Испаниялик мутахассис Андони Ираола “Ливерпуль” жамоаси бош мураббийлигига тайинланганидан кейин ўз ҳиссиётлари билан ўртоқлашди.

- Мен жуда кучли ҳаяжондаман. Чунки “Ливерпуль” – буюк жамоа, дунёдаги энг катта клублардан бири. Мен доимо уни алоҳида аҳамиятга эга клуб, деб ҳисоблаганман.

Сизни “Ливерпуль” жалб қилиши учун кўп нарса керак эмас. Чунки “Ливерпуль” — бу “Ливерпуль”.

Мухлислар, муҳит, клубнинг ўзи, юқори савияли футболчилар билан ишлаш ва совринлар учун курашиш имконияти – буларнинг барчаси жозибадор.

Бундан ҳам яхши имкониятни топиш қийин. Шунинг учун ишни бошлашни интиқлик билан кутяпман, - деди Андони Ираола.

43 ёшли испаниялик мутахассис Англия Прмьер-лигасида ишлаш тажрибасига эга. У 2023 йилдан бери жорий мавсум охирига қадар “Борнмут”ни  муваффақиятли бошқарди.