“Кристал Пэлас” ҳужумчиси Исмаила Сарр ёзги трансфер ойнаси ёпилгунига қадар “Ливерпуль”га ўтиш талаби билан чиқмоқда.
Talksport нашри маълумотига кўра, “Ливерпуль” раҳбарияти “Манчестер Сити”га ўтишга қарор қилган Коди Гакпога идеал ўринбосар сифатида айнан Саррни кўрмоқда.
Сарр “Ливерпуль”га қўшилишни жуда хоҳламоқда. Бироқ “Кристал Пэлас” клуб билан 2029 йилга қадар шартномага эга бўлган 28 ёшли сенегаллик футболчини қўйиб юборишни истамаяпти.
Саррнинг “Ливерпуль”га ўтиш истаги жиддий эканини унинг Instagram аккаунтидан “Кристал Пэлас”га алоқадор барча постларни ўчириб ташлагани ҳам кўрсатиб турибди.
Шунингдек, Сарр “Кристал Пэлас”нинг янги мавсумдаги Премьер-лиганинг дастлабки икки учрашувида ҳам иштирок этмади. Клуб бу ҳолатни расман жароҳат билан изоҳлаган.