Англиянинг амалдаги чемпиони “Ливерпуль” чап қанот ҳимоячиси Константинос Цимикас янги чорловларни қабул қилишга ва жамоасини тарк этишга тайёрлигини билдирди.
Give me Sport нашрининг маълум қилишича, 29 ёшли грециялик футболчини Испания чемпионатидан бир неча клуб ўз сафига таклиф этмоқда.
Цимикас “Ливерпуль”га 2020 йилнинг ёзида “Олимпиакос”дан олиб келинган эди. Кейинчалик бу ҳимоячи асосий таркибдаги ўрнини йўқотди.
Хусусан, ўтган мавсумда тажрибали ўйинчи барча турнирларда 29 та учрашувда иштирок этди ва жамоадошларига иккита голли пас ҳам узатди.
Цимикаснинг амалдаги шартномаси 2027 йилнинг ёзигача давом этиши белгиланган. Бироқ у кўпроқ ўйин амалиётига эга бўлиш учун жамоасини алмаштиришни мақсад қилган. Transfermarkt портали Константиноснинг трансферини 18 миллион еврога баҳоламоқда.