"Ливерпуль" вингерига А Серия гранди кўз тикди

Италия терма жамоаси ва "Ливерпуль" клуби вингери Федерико Кьеза собиқ жамоасига қайтиши мумкин.

Таниқли инсайдер Никола Скира берган хабарларга кўра, "қизиллар" ҳужумчиси собиқ клуби "Ювентус"га қайтишга тайёр. Турин клуби футболчини сотиб олиш шарти билан ижарага олишни режалаштирмоқда. Томонлар ўртасида келаси ҳафтада муҳокамалар бошланиши кутилмоқда. Бироқ, "Ливерпуль" Кьезани ижарага беришни эмас, тўлақонли сотиб юбориш вариантини маъқул кўради. Италиялик футболчи 2024 йилнинг август ойида 12 миллион евро эвазига "Ювентус"дан "Ливерпуль"га кўчиб ўтган эди. Унинг мерсисайдликлар билан амалдаги шартномаси 2028 йилнинг ёзида якунига етади. Футболчининг нархи 18 миллион еврони ташкил этади. 

Маълумот учун, Федерико жорий мавсумда 20та учрашувда майдонга тушиб, 2та гол ва 3та голли узатмани амалга оширди.