“Ливерпуль” Салоҳнинг ўрнини “Реал” ҳужумчиси билан тўлдирмоқчи

Мадриднинг "Реал" клуби вингери Родриго Гоэс "Ливерпуль"нинг асосий трансфер мақсақига айланди. Англия клуби бразилиялик футболчини ўз сафига қўшиб олиш имкониятини кўриб чиқмоқда, дея хабар бермоқда инсайдер Экрем Конур Х ижтимоий тармоғида.

Родриго ёзда "Энфилд"ни тарк этиши мумкин бўлган ҳужумчи Муҳаммад Салоҳга ўринбосар бўлиши кутиляпти. Футболчига "Ливерпуль"дан ташқари "Интер", "Ал-Ҳилол", "Арсенал", "Челси" ва "Тоттенхэм" клублари қизиқиш билдирмоқда.

Жорий мавсумда 25 ёшли Родриго барча мусобақаларда 26 та ўйинда майдонга тушиб, учта гол урди ва олтита голли узатмани амалга оширди. Transfermarkt портали маълумотларига кўра, Родригонинг нархи 60 млн еврони ташкил этади.