"Ливерпуль" Конате ўрнига тўрт номзодни кўриб чиқмоқда
- 10-июн, 14:45
- Bilolbek Imomov
- 0
- Футбол
"Ливерпуль" раҳбарияти Ибраима Конате жамоани тарк этаётгани ортидан ҳимоя чизиғини кучайтириш устида иш олиб бормоқда.
Франциялик марказий ҳимоячи фаолиятини Мадриднинг "Реал" клубида давом эттиради. Шу муносабат билан мерсисайдликлар унинг ўрнига янги футболчи излашга киришган.
"Caught Offside" нашрининг хабар беришича, "Ливерпуль" бир вақтнинг ўзида бир нечта номзодни кузатмоқда. Улар орасида "Спортинг" ҳимоячиси Гонсалу Инасиу, "Наполи" футболчиси Сэм Бёкема, "Тоттенхэм" аъзоси Лука Вушкович ҳамда "Ноттингем Форест" ҳимоячиси Мурильо бор.
Клуб ушбу футболчилардан бирини ёзги трансфер ойнасида ўз сафига қўшиб олиш имкониятини ўрганмоқда.
Эслатиб ўтамиз, ўтган мавсум Англия Премьер-лигасида "Ливерпуль" 60 очко тўплаб, мусобақани бешинчи ўринда якунлаган. Янги мавсумда жамоани испаниялик мутахассис Андони Ираола бошқаради.