"Ливерпуль" Конате билан хайрлашди

"Ливерпуль" клуби расмий сайти орқали ҳимоячи Ибраима Конате билан ҳамкорлик якунланганини маълум қилди.

Франциялик футболчи июнь ойи охирида клубни эркин агент сифатида тарк этади. Шу тариқа, унинг "Энфилд"даги беш йиллик фаолияти ўз ниҳоясига етади.

Конате 2021 йил ёзида "РБ Лейпциг"дан "Ливерпуль" сафига қўшилган эди. У мерсисайдликлар таркибида жами 183 та учрашувда майдонга тушиб, 7 та гол урди.

Ҳимоячи клуб билан бирга Англия Премьер-лигаси, Англия кубоги, икки марта Лига кубоги ҳамда Англия Суперкубогида ғолиб чиққан.