"Ливерпуль" ҳужумчисига 3 та клуб қизиқиш билдирган
- 4-декабр 2025, 13:09
- Muhammadqodir Ruzmatov
- 0
- Футбол
"Ливерпуль" ҳужумчиси Федерико Кьезага бир қатор клублар қизиқиш билдирмоқда. Бу ҳақда спорт журналисти Николо Шира ўз ижтимоий тармоқларида хабар берди. Унинг маълумотига кўра, италиялик футболчини А Сериясининг икки клуби ва Ла Лиганинг бир жамоаси кузатмоқда.
Шунга қарамай, Кьеза трансферга розилик билдирмаяпти ва "қизиллар" сафида қолмоқчи. Федерико 2024 йилнинг ёзида "Ювентус"дан мерсисайдликларга келиб қўшилган. Унинг амалдаги шартномаси 2028 йилнинг ёзигача амал қилади.
Маълумот учун, жорий мавсумда Кьеза учта турнир доирасида 15 та ўйинда иштирок этган ва бешта гол урган.
Изоҳлар (0)
Ҳозирча изоҳлар йўқ