“Ливерпуль” футболчисини “кўршапалаклар” олиб кетади

Испаниянинг “Валенсия” клуби “Ливерпуль” ярим ҳимоячиси Харви Эллиоттни ижарага олиш бўйича оғзаки келишувга эришди. Бу ҳақда журналист Фабрицио Романо Х ижтимоий тармоғида маълум қилди.

Манбага кўра, Испания клуби футболчининг маошининг катта қисмини тўлайди. Эллиоттнинг ўзи ҳам “кўршапалаклар” сафига ўтишга розилик берган.

Инсайдер Маттео Мореттонинг қўшимча қилишича, ярим ҳимоячи яқин вақт ичида тиббий кўрикдан ўтади.

Харви Эллиотт 2025/2026 йилги мавсумни Англиянинг “Астон Вилла” клубида ижара асосида ўтказган.

Жорий трансфер ойнасида футболчига “Лидс Юнайтед”, “Сандерленд”, “Лацио” ва “Наполи” клублари ҳам қизиқиш билдиргани ҳақида хабарлар тарқалган.