"Ливерпуль" футболчиси клубни тарк этишга тайёр

"Ливерпуль" сафида ҳаракат қилаётган Федерико Кьеза клубни тарк этишга тайёр. Уни Италиянинг уч клуби ўз таркибига қўшиб олмоқчи.

Кьезага жамоа бош мураббийи Арне Слот имконият бермади ва уни захира ўйинчисига айлантирди. Вингер эса бундан норози ва июнь ойи бошида Италияга қайтиши мумкин.

"Интер" "Наполи" ва "Рома" Федерикога қизиқиш билдирмоқда, дея хабар тарқатди "Calcio Mercato" нашри. Манбанинг таъкидлашича, италияликни қўлга киртиш учун асосий фаворит "нерадзуррилар ҳисобланади. Сабаби, унинг позициясида ўйнаётган Хоакин Корреа клубни тарк этишга яқин.

Маълумот ўрнида, футболчи ушбу мавсумда жами 12 та учрашувда иштирок  этиб, 2 та гол ва 2 та ассистни расмийлаштирган.  27 ёшли ҳужумчини "Transfermarkt" портали 18 миллиов еврога баҳоламоқда.