"Ливерпуль", "Челси" ва "Манчестер Юнайтед" бразилиялик ҳужумчига қизиқиш билдирмоқда

Жоао Гомес ёзги трансфер ойнасида клубини ўзгартириши мумкин. "Вулверхэмптон" форвардига Англиянинг бир қатор топ-клублари жиддий қизиқиш билдирмоқда.

"TEAMtalk" нашрининг маълумотига кўра, 25 ёшли бразилияликка "Челси", "Ливерпуль" ва "Манчестер Юнайтед" эътибор қаратган. Шунингдек, унга "Манчестер Сити" ҳамда "Тоттенхэм" ҳам қизиқиш билдирмоқда.

Гомес 2023 йил январь ойида "Фламенго"дан "Вулверхэмптон"га кўчиб ўтганидан сўнг АПЛда ўзини яхши томондан кўрсатди. У ҳозирга қадар “бўрилар” сафида 100 дан ортиқ ўйинда майдонга тушиб, 8 та гол ва 6 та голли узатмага муаллифлик қилган.