Левандовскини кўндириб бўлмаяпти

“Барселона” билан иккинчи марта Испания чемпиони бўлган ҳужумчи Роберт Левандовски ҳозирча Саудия Арабистонининг “Ал-Ҳилол” жамоаси  билан эҳтимолий трансфер бўйича келишувга эришмаган.

Бу ҳақда инсайдер Фабрицио Романо хабар қилди.

Манба маълумотига кўра, польшалик ҳужумчи фаолиятини давом эттириш учун бир нечта вариантни кўриб чиқмоқда.

37 ёшли ҳужумчига Саудия Про-лигаси клублари, шунингдек МЛС жамоалари ҳам қизиқиш билдирмоқда.

Бироқ футболчи ҳозирча ўз келажаги бўйича якуний қарор қабул қилмаган.

Шунингдек, “Барселона” ва Левандовски ўртасида ҳамкорлик тўхтагани маълум қилинди.

Жорий мавсумда польшалик ҳужумчи 45 та ўйинда қатнашиб, 18 та гол урди ва тўртта голли узатма амалга оширди.

Аввалроқ “Ал-Ҳилол” Левандовскига йилига 90 миллион евро маош таклиф қилгани ҳақида хабар берилганди.