Левандовски узоқ мавсумга тайёр эканлигини маълум қилди
- 2-сентябр 2025, 10:23
- Jahongir Inomjonov
- 0
- Футбол
"Барселона" ва Польша терма жамоаси ҳужумчиси Роберт Левандовски сонининг орқа қисмидан олган жароҳатидан асосий таркибга қайтишга нима учун шошилмаётганини тушунтирди.
Ҳужумчининг айтишича, у асосий юклама сентябрь ойида бошланишини ҳисобга олиб, бутун мавсум учун кучини олдиндан режалаштириб қўйган.
- Мавсум жуда узоқ, унга яхлит назар солиш керак. Аммо ҳозир 100 фоиз тайёр эканимдан хурсандман, - деди польшалик футболчи каталонияликлар клуби матбуот хизматига.
Хабар қилинганидек, Левандовски терма жамоанинг собиқ бош мураббийи билан келишмовчилик туфайли тарк этган Польша терма жамоасига қайтди. Левандовскининг "Барселона" билан амалдаги шартномаси 2026 йилнинг ярмигача мўлжалланган.
36 ёшли ҳужумчининг трансфер қиймати 12 миллион еврони ташкил этади. 2025/2026 йилги мавсумда у иккита ўйинда иштирок этди, аммо ҳеч қандай натижали ҳаракат кўрсата олмади.