Левандовски агенти билан бирга АҚШга йўл олди

Эркин агент мақомидаги Роберт Левандовски ўз агенти Пини Захави билан бирга АҚШга йўл олди. У “Чикаго Файр” клуби билан ҳамкорлик бўйича музокаралар ўтказади. Бу ҳақда журналист ва инсайдер Фабрицио Романо X ижтимоий тармоғида маълум қилган.

Хабарга кўра, МЛС жамоаси поляк футболчисини ўз таркибига қўшиб олишни жиддий мақсад қилган. Левандовски билан 2 ёки 3 йиллик шартнома имзоланиши мумкин. Қарор футболчининг ўзига боғлиқ бўлади.

Левандовскининг сўнгги жамоаси “Барселона” бўлиб, у 2022 йил ёзида каталон клубига келган. Шу вақт давомида 37 ёшли ҳужумчи 191 та ўйинда майдонга тушиб, 119 та гол урган ва 24 та голли узатма амалга оширган.