Легионеримиз молиявий муаммо туфайли клуби билан шартномасини бекор қилди

4 январь куни 27 ёшга тўладиган ярим ҳимоячи Суҳроб Нуруллоев ўтган йилнинг бошида “Насаф”ни тарк этиб, Малайзиянинг “Кедах” клубига кўчиб ўтгганди.

Фаолиятида илк бор легионерга айланган футболчимиз у ерда учта мусобақада жамии 16 та ўйинда майдонга тушди. 3 та гол уриб, 2 та паси гол билан якунланди.

Эндиликда Суҳроб “Кедах”ни тарк этди. Бунга клубдаги молиявий қийинчиликлар асосий сабаб бўлиб қолди. Ҳолбуки, легионеримизни яна бир неча ойлик шартномаси мавжуд. Бироқ ҳамюртимиз анчадан бери маош олмаяпти. Шу боис тузилган шартнома бекор қилинди.

Маълум бўлишича, клуб маошларни тўлаш бўйича футболчимиздан мухлат сўраган. Шу кунларда Нуруллоев юртимизга қайтади. Айни пайтда унинг хизматига қизиқиш билан қараётган бир қатор клублар бор.

P.S. Тез орада Суҳроб Нуруллоев билан суҳбатни Sports.uz сайтида ўқийсиз!