Легионеримиз иккита супергол орқали биринчи ўринга кўтарилди!

Қозоғистон Премьер-лигасида иштирок этаётган тўрт нафар ўзбек футболчиси жамоалари учун 17-тур учрашувлари мағлубиятсиз якунланди.

Иброҳимхалил Йўлдошев ўйнаётган “Қайрат” жамоаси “Қизил-Жар” меҳмони бўлиб, қийин ўтган беллашувда кичик ҳисобдаги ғалаба билан қайтди. Беллашувнинг 39-дақиқасида Анлрей Ульшин киритган гол “Қайрат”га навбатдаги уч очкони келтирди.

Беллашувда легионеримиз тўлиқ ўйнаб, муҳим ғалабага муносиб ҳисса қўшди.  

“Қайрат”  16 та учрашувда очколари сонини 31 тага етказиб, мусобақа жадвалида биринчи ўринга кўтарилиб олди.

Тажрибали ҳужумчимиз Шоҳназар Норбековнинг жамоаси “Қайсар” чемпионлик учун курашаётган “Актобе”дан очко тортиб олди. Рақиб майдонида ўтказилган баҳснинг 44-дақиқасида Ерсултон Торекулнинг ўрнига майдонга тушган легионеримиз 82-дақиқага келиб, қайта захирага олинди.

Икки очко йўқотган “Актобе” биринчи ўринга кўтарилиш имконини қўлдан бой берди.

Турнинг энг муросасиз учрашуви “Шахтёр” ва “Ордабаси” ўртасида кечди. Беллашув қаҳрамони Жасурбек Яхшибоев бўлди.  Бешта гол бўлган беллашув 3:2 ҳисобида чимкентликлар ғалаба қозонди.

Жасурбек Яхшибоев меҳмонларнинг учала голида иштирок этди. Ўзи иккита тўп киритганидан ташқари легионеримиз жамоадоши Артём Бесединга ҳам голли пас узатди.

“Ордабаси”даги иккинчи вакилимиз Шаҳбоз Умаров баҳсда иштирок этмади.

Қозоғистон Премьер-лигасидаги дебют мавсумида илк бор дубль қайд этган Жасур Яхшибоев чемпионатдаги голлари сонини 7 тага етказиб, тўпурарлар пойгасида биринчи ўринга кўтарилди.

Моҳир ҳужумчи тўпурарлар баҳсида “Тобол” ҳужумчиси Ислом Чесноков ва “Қайрат” легионери Жоао Паулодан битта голга ўзиб кетди.

Эътиборли жиҳати, 27 ёшли ҳужумчимиз Қозоғистон чемпионатидаги илк учрашувини биринчи турда айнан “Шахтёр”га қарши ўтказиб, ўшанда ҳам рақиб дарвозасига йўл топа олганди.

Яхшибоев бу лигадаги еттита голидан қолган тўрттасини “Қайрат”, “Турон”, “Жетису” ва “Қайсар” жамоалари дарвозасига киритган.

Ҳамюртимизнинг дубли эвазига қимматли уч баллни қўлга киритган амалдаги чемпиони биринчи ўринга кўтарилиш имконини сақлаб турибди. Ҳозирги пешқадам “Қайрат”дан икки очкога ортда қолаётган чимкентликлар ҳисобида яна иккита ўйин бор. Айни пайтда Яхшибоев ва Умаров жамоаси 14 та ўйиндан кейин 29 очко билан учинчи қаторда боряпти.

Қозоғистон Премьер-лигасида ўйнаётган тўрт нафар легионеримизнинг ўз клублари билан амалдаги шартномалари шу йилнинг 31 декабрь куни якунига етади.

 

Ўзбек боксчиси ўта тезкор экан, уни ҳеч ким “тутолмади”!

ЦСКА ҳужумчилардан норози, Файзуллаев эса трансферлар ҳақида гапирди!

Шомуродов “Рома”да қолдими?

Файзуллаев фаолиятини қаерда давом эттиради?

Ҳозир дунёда энг зўри ўзбек боксчилари, Куба иккинчи даражага тушди!

Файзуллаев ЦСКАдан кетган футболчини қўллаб-қувватлади!

Файзуллаев қачон гол уришини айтди

Легионеримиз кутгани бўлмади!