Леау ҳали ҳам АПЛга ўтишни кутмоқда, "Галатасарой" эса ягона расмий даъвогар
- 4-июн, 18:05
- Bilolbek Imomov
- 0
- Футбол
"Галатасарой" ҳозирча "Милан" вингери Рафаэл Леау учун расмий таклиф юборган ягона клуб бўлиб турибди. Бу ҳақда "La Gazzetta dello Sport" хабар бермоқда.
Аввалроқ туркияликлар португалиялик футболчига йилига 8 миллион евро маош ва қўшимча 2 миллион евро бонусларни ўз ичига олган шартнома таклиф қилгани ҳақида маълумот тарқалган эди.
Бироқ Леау ҳануз Англия Премьер-лигасига йўл олишдан умидини узмаган. Айниқса, у "Арсенал" ёки "Манчестер Юнайтед" сафига қўшилишни истамоқда.
Нашр маълумотига кўра, футболчи яна бир бор "Арсенал"га таклиф қилинган бўлса-да, музокараларда ҳеч қандай силжиш кузатилмаган.
Рафаэл Леаунинг шартномасида 175 миллион евролик товон пули белгиланган бўлса-да, "Милан" уни 50 миллион евро эвазига қўйиб юборишга тайёр. Аммо ҳозирча расмий таклиф фақат "Галатасарой"дан келиб тушган.
Қайд этилишича, ҳатто йилига 10 миллион евро даромад олиш имконияти ҳам Леауни Туркияга кўчиб ўтишга ишонтирмаган. Футболчи бошқа клублардан, айниқса АПЛ жамоаларидан таклиф кутишда давом этмоқда.