Ламин Ямалнинг отасини пичоқлашди

Испаниянинг бугунги кундаги энг машҳур футболчиси Ламин Ямал оиласида нохушлик рўй берди.

La Vanguardia нашрининг маълум қилишича, Ламиннинг отаси Мунир Насрауи Матаро шаҳридаги автотураргоҳда пичоқланган.

Яраланганидан кейин уни дарҳол шифохонага олиб келиб, биринчи тиббиё ёрдамни кўрсатишган. Бир неча соат давомида шифокорлар назоратида қолган Мунир Насрауининг уйга кетишига рухсат берилган.

Ламин Ямал “Барселона” тарбияланувчиси ҳислбланади. 17 ёшли футболчи яқинда Германияда ўтган Европа чемпионатида ажойиб ўйин кўрсатиб, Испания терма жамоасининг чемпион бўлишига катта ҳисса қўшди.