Ла Лига. "Реал Мадрид" "Валенсия"ни янчиб ташлади

Испания Ла Лигасининг 11-турида "Реал Мадрид" ўз уйида "Валенсия"ни қабул қилиб, 4:0 ҳисобида муваффақиятга эришди. 
 
Дастлабки гол 19-дақиқада Килиан Мбаппе томонидан киритилди. Франциялик юлдуз 11 метрлик жарима зарбасидан ҳисобни очди. 31-дақиқада эса Мбаппе дублни расмийлаштирди. Шунингдек, бўлим якунланаётганда Жуд Беллингем ҳисобни йириклаштиришга муваффақ бўлди. Бундан ташқари, иккинчи бўлимнинг 82-дақиқасида Каррерас чиройли гол уриб, ўйинга нуқта қўйди.