Ла Лига. Чемпионликни расмийлаштирган "Барселона" мағлуб бўлди. "Реал" Мбаппе ва Беллингемнинг голлари эвазига ғалаба қозонди. "Атлетико" эса "Бетис"ни йирик ҳисобда ютди

Испания Ла Лигасининг 37-туридан ўрин олган "Барселона", "Реал Мадрид" ва "Атлетико" иштирокидаги беллашувлар ўз ниҳоясига етди. 
 
Флик шогирдлари ўз уйида "Вильярреал"ни қабул қилиб, 2:3 ҳисобида имкониятни бой бериб қўйди. Жамоа ўтган турда ички чемпионатдаги чемпионликни расмийлаштирган эди. 
 
Карло Анчелоттининг "Реал Мадрид"и эса сафарда "Севилья" билан куч синашиб, 0:2 ҳисобида муваффақиятга эришди. Мбаппе эса бу учрашувда ҳам ўз ҳисобига гол ёздириб қўйган ҳолда, тўпурарлар рўйхатида пешқадамликни мустаҳкамлади (28). Унинг асосий тақибчиси Левандовскида эса 25 та гол мавжуд. 
 
Диего Симеоне бошчилигидаги "Атлетико Мадрид" эса бу турда "Бетис"ни қабул қилиб, йирик 4:1 ҳисобида рақибини мағлубиятга учратди.