Кутилмаган янгилик: яқинда "Динамо"га ўтган Бектемир Абдуманнонов энди Қозоғистонда ўйнайди!
- 3-апрел, 01:04
- Shuhratbek Jo’rayev
- 0
- Футбол
Охирги икки мавсумни "Андижон"да ўтказиб катта ўсишга эришган Бектемир Абдуманнонов янги мавсумни Самарқанднинг "Динамо" клубида бошлаганди. Бироқ, кутилмаганда футболчи яна жамоасини ўзгартирди. Бу хусусида клуб матбуот хизмати хабар берди.
«Динамо» ПФК жамоа ярим ҳимоячиси Бектемир Абдуманнонов Қозоғистон чемпионати клубига ижарага берилганини маълум қилади.
«Динамо»нинг 23 ёшли ярим ҳимоячиси Қозоғистон Премьер-лигасида 3-ўринни эгаллаб турган «Оқжетпес» клубига ярим мавсумга ижарага берилди. Ижара келишувига биноан, «Динамо» ПФК Бектемир Абдуманноновни ёзги трансфер ойнасида ўз сафига қайтариб олиш ҳуқуқини сақлаб қолди.
«Динамо» ПФК Бектемир Абдуманноновнинг қўшни мамлакатдаги фаолиятига омад тилайди ва қайтиб, жамоамиз мувффақиятларига ўз ҳиссасини қўшишига ишонади", - дейилади расмий хабарда.