Кутилмаган янгилик! Ҳусанов суперклуб шартномасига розилик берди!

Ўзбекистон миллий терма жамоаси марказий ҳимоячиси Абдуқодир Ҳусанов ўзи ўйнаб келаётган «Манчестер Сити» клуби билан янги шартнома бўйича келишувга эришди. 

The Athletic нашрининг хабар беришича, янги келишув муддати 2031 йилгача мўлжалланган.

22 ёшли ўзбекистонлик футболчи ўтган мавсумнинг биринчи ярмида жамоанинг энг заиф нуқтаси ҳисобланган ўнг қанот ҳимоясида ишончли ўйнади. Чемпионатнинг иккинчи ярмида эса асосий марказий ҳимоячилардан Рубен Диаш ва Йошко Гвардиол жароҳат олганидан сўнг мудофаа бошқарувини ўз зиммасига олди. 

Ҳусанов қисқа фурсатда жамоадаги асосий фигурага айланди. Қишда Манчестерга таклиф этилган Марк Гехи билан бирга Англия Премьер-лигасида энг кучли ҳимоя дуэтини ташкил қилди. 

Мавсум охирида «Манчестер Сити» раҳбарияти футболчининг ўсишини янги битим билан мукофотлаши ҳақида маълумотлар чиқа бошлаган эди. Бироқ бу масала 2026 йилги жаҳон чемпионатидан кейинги муддатга қолдирилганди. 

Ўзбек футболчининш ҳозирги амалдаги шартномаси 2029 йилгача давом этади, аммо яқин кунларда уни яна икки йилга узайтириш режалаштирилган. 

Capology портали аввалроқ Ҳусановнинг «Манчестер Сити» клубидаги маоши ҳақидаги маълумотларни эълон қилган эди. Футболчи Англияда йилига 3,8 миллион евро ишлайди.

«Манчестер Сити» билан 2029 йилнинг 30 июнигача имзоланган эски шартнома давомида Абдуқодир жами 15,2 миллион евро ишлаб топиши белгиланган. Бу сумма клуб ўзбек футболчиси билан келишувни янгилаганда ўзгаради, яъни оширилиши кутилмоқда. 

Ўтган мавсумда Абдуқодир Ҳусанов «Манчестер Сити» таркибида 37 та ўйин ўтказди ва жамоага Англия кубоги ҳамда Англия лигаси кубогини қўлга киритишда ёрдам берди. 

Истеъдодли футболчи бу ёзда Ўзбекистон футболи тарихида илк бор жаҳон чемпионатида терма жамоа шарафини ҳимоя қилди.

Эслатиб ўтамиз, 22 июль куни «Манчестер Сити» ярим ҳимоячи Фил Фоден билан шартномани 2030 йилгача узайтирган, келишувда яна бир мавсумга чўзиш имконияти ҳам назарда тутилган. Яқин вақтларда клуб бельгиялик ҳужумкор футболчи Жереми Доку билан ҳам 2031 йилгача мўлжалланган янги шартнома имзолаши кутилмоқда.

Шомуродов ва Файзуллаевнинг УЕФА турниридаги ўйини қандай баҳоланди?

Шомуродов ва Файзуллаев жамоасини мағлубиятдан қутқарди!

Жаҳон чемпионатидан сўнг икки ўзбек футболчининг нархи кескин ошди

Тақиқ Ўрозов трансферига таъсир қиладими? ФИФА Россия клубларига трансфер блокини қўймоқчи

Бугун муҳим учрашув! Шомуродов Европадаги юришини бошлайди

Шомуродов ФИФАдан хушхабар кутяпти

Ёлғон тарқатишни бас қил! Файзуллаевнинг собиқ жамоаси Фабрицио Романони кескин огоҳлантирди

Ўзбекистон терма жамоаси ўйини катта рекорд ўрнатди