Кутилмаган янгилик: “Барса” Мессига жой очиш учун уч юлдуздан воз кечмоқда
- 10-март 2025, 06:10
- Zohir Toshxo’jayev
- 0
- Футбол
“Барселона” раҳбарияти клуб афсонаси – 2021 йили Каталонияни тарк этган Лионель Мессини яна ортга қайтириш бўйича иш олиб бормоқда.
GOL digital нашрининг ёзишича, каталонияликлар саккиз карра “Олтин тўп” соҳибини ортга қайтариш бўйича режа ишлаб чиққан.
Биринчи навбатда, клуб Леонинг маошини ҳал қилиши лозим. Бунинг учун раҳбарият ёзда уч нафар футболчи билан хайралашади. Хусусан, Андреас Кристенсен, Ансу Фати ҳамда Ферран Торрес Лионель Мессини олиш масаласида “қурбон” бўлади.
Аргентиналик жаҳон чемпионининг “Интер Майами” билан амалдаги шартномаси 2025 йилнинг 31 декабригача давом этиши каталонияликларда бу трансферни амалга ошириш умидини уйғотяпти.
Месси 2003-2021 йиллар давомида “Барселона”да фаолият юритган ва собиқ жамоаси сафига қайтишга қарши эмас. Бироқ Месси клуб президенти Жоан Лапорта билан муносабати совуқ бўлгани учун бу ишни амалга оширишга шошилмаяпти.