Кутилмаган бурилиш: “Ан-Наср” Роналдуни сотадиган бўлди. Биринчи харидор аниқ
- 12-феврал, 17:59
- Zohir Toshxo’jayev
- 0
- Футбол
Саудия Арабистонининг “Ан-Наср” клуби раҳбарияти мамлакат Профессионал лигасининг энг машҳур юлдузи Криштиану Роналду билан хайрлашишга тайёр.
Клуб мутасаддилари жаҳон футболида энг кўп гол урган футболчини Англия Премьер-лигаси клубларига 40 миллион фунт стерлингга таклиф қилди.
TopSkills нашри хабарига кўра, Англия клубларидан учтаси бу таклифга дарҳол рад жавобини берган.
Шунга қарамай, “Ан-Наср” раҳбарияти футболчи учун янги клуб излашда давом этмоқда. Роналду трансфер қилиш ғоясига Лиссабоннинг “Спортинг” клуби жиддий қизиқиш билдиргани айтилмоқда. Айнан шу жамоада Роналду профессионал фаолиятини бошлаган эди.
Роналду 2022 йилнинг 30 декабрида эркин агент мақомида “Ан-Наср” билан расман ҳамкорликни бошлаган эди. 2025 йил июнида шартнома 2027 йил ярмигача узайтирилди.
Очиқланган маълумотларга кўра, португалиялик футболчи спорт тарихидаги энг юқори маошни олади. Унинг даромади шартнома давомида, тижорат бонуслари билан бирга 400 миллион АҚШ долларидан ошади.