Кукурелья "Барселона"га қайтишга қарши эмас

"Челси" ҳимоячиси Марк Кукурельянинг "Барселона"га қайтиши ҳақидаги миш-мишлар кучайиб бормоқда.

Хабарларга кўра, 27 ёшли чап қанот ҳимоячиси Энцо Мареска истеъфосидан кейин клубдаги вазият сабаб жамоани тарк этиш ҳақида ўйламоқда. Журналист Ферран Мартинес маълум қилишича, испаниялик футболчи каталонияликлар сафига ўтиш вариантига очиқ.

Манбага кўра, Кукурелья "уй"га қайтишдан мамнун бўларди, аммо ҳозирча "кўк-анорранглилар" спорт директори Деку билан расмий музокаралар олиб борилмаяпти.

Тахмин қилинишича, "Челси" футболчи учун 50 миллион евро атрофида маблағ талаб қилади. "Барселона" эса таркибдаги қимматбаҳо ҳимоячилардан бири сотилмаса, бундай трансферни амалга ошириши қийин бўлиши мумкин.